Israel-in West Bank-a in sak belhna tur pawm

Israel chuan Palestinian ram a luah West Bank-ah in 285 sak tharna tur a pawm.

Civil Administration-a High Planning Committee chuan Elkana biala in 234 lakna tur a pawm a, hengte hi nursing home tura rua≠hman an ni. Hei bakah hian Beit Arye-ah in 31 leh Givat Ze'ev-ah in 20 sak a ni bawk ang. Committee chuan kum 1980 chhoa Beit Arye-a in 178 sak tawh pawh phalna a pe thar leh bawk.

US chuan Palestinian rama Israel-in in sak belh leh a tum hian state pa≠hnihna siam tur te, Israel leh Pa≠lestinian inkara remna leh muanna a awm theihna tura hmalakna te a tihbahlah phah a hlauhthawn thu a sawi.

Kum 1967-a Israel-in West Bank leh East Jerusalem a luah hnu khan Israel sorkar chuan Juda-te chenna tur hmun 100 chuangah a sa tawh a, Israel mi 570,000 vel an cheng mek a ni. Israle-in Juda-te tan in a sak sak hi international law kalh nia sawi ni mah se, Israel chuan thu dik lo a nih tih a sawi.