New Zealand-ah magnitude 7.1-a nain lir a nghing

New Zealand-a North Island-ah Ningani zan dar 9 pelh hret, an ram sanaa Zirtawpni zing dar 4.37-ah magnitude 7.1-a nain lir a nghing a, lirnghing hian tsunami na vak lo siam mah se, thil tihchhiat lian tham a nei lo nia hriat a ni.

Official-te chuan magnitude 7.1-a naa lir a nghin hnu hian ṭum eng emaw zat a nghing nawn leh niin an sawi a, aftershock zingah hian magnitude 6.0-a na pawh a tel a ni.

Lirnghing vang hian tsunami a thlen hlauhthawn thilah Tolaga Bay area-a chengte chu hmun sang lamah insaseng turin hriattir an ni a, mahse a hlauthawnawm loh avangin darkar thum hnuah an awmna lamah an kir leh a ni. Mahse thuneitute chuan tuipui hnaiah awm rih lo turin an ngen.

Kum 2011 khan South Island-a Christchurch khuaah magnitude 6.3-a naa lirnghing vangin mi 185 an lo thi tawh a ni.

New Zealand ramah hian lir a nghin ngun avangin Civil Defence chuan tuipui kama chengte chu emergency-a chet dan tur zirtirna a neihpui fo a ni. Kumtinin New Zealand ramah hian ṭum 15,000 chuang lir a nghing ṭhin a, mahse heng zinga 150 vel chauh hi hriat theiha nghing chhuak a ni.