Brazil President hlui Surpeme Court-ah zualko

Brazil President aṭanga ban, Dilma Rousseff-i chuan Senate-in a banna tura thutlukna a siam chu ngaituah ṭha leh turin Supreme Court-ah ngenna a thlen.

Nilaini khan Senate chuan kum hnih liamtaa an ram budget chungchang dik lo taka a khawih danglam avangin President a nihna aṭanga ban turin thutlukna Senate chuan a siam a ni. President ban anih hnu hian amah thlak tur hian a thubuai ngaihtuah laia acting president hna lo chelhtu, Michel Temer-a chu President atan lakluh nghal a ni bawk.

Rousseff-i defence team chuan Senate vote thlak chungchangah Supreme Court-ah hian 'writ of security' an thehlut. Writ of security hi mimal dikna chanvo palzut sakna zawnga thutlukna siam laka humhimna tur legal tool a ni. Rousseff-i legal team hotu, Justice Minister hlui leh Attorney General Jose Eduardo Cardozo chuan President paihthlakna tur kalpui a nih danah thil dik lo a awm niin a lo sawi tawh a ni.