Myanmar-a pagoda siamṭhat nan China-in sum pe

Myanmar rama lirnghingin Buddhist Temple pagoda a sawichhiatna siamṭhatna turin China chuan US dollar 82,000 a pe a, hei hi Myanmar pawisa chuan kyat maktaduai 100 hu vel a ni.

August 24 khan central Myanmar-ah magnitude 6.8-a nain lir a nghing a, lirnghing hian Bagan-Nyaung Oo bialah pagoda leh temple 400 dawn a sawichhia a ni.

Bagan biala pagoda chhiate siamṭhatna tur hian Myanmar-a Chinese Embassy leh China rama Yunnan province-a Ruili Municipality chuanṭanpuina sum hi an pe a ni. Myanmar Minister of Religious Affairs and Culture Thura U Aung Ko chuan China chungah an lawm thu hi a sawi.

Chinese Ambassador Hong Liang chuan Myanmar chu an theih angin an pui chhunzawm zel dawn tih a sawi a, Bagan biala pagoda chhiate thuam ṭhatna kawnga pui tur hian Chinese expert team pawh an tir dawn tih a sawi.

Hetihlai hian Myanmar Mi≠nistry of Hotels and Tourism chuan thuchhuah siamin, Bagan biala lirnghingin pagoda a sawichhiatte chu tlawh rih lo turin khualzinte a ngen a, hei baah hian building chhe them leia tlate pawh engmah la sawn lo turin a ngen bawk.