Venezuela-ah sorkar thlawptu leh dodaltuten rally huaihawt

Venezuela khawpui, Caracas-ah Ningani khan sorkar thlawptu leh dodaltu lamten a hran ve vein rally an huaihawt.

Eptu pawl, Democratic Unity Roundtable (MUD) thlawptute chu zing aṭangin Caracas khawchhak lamah an pungkhawm a, an kawngzawh huaihawt chu 'The Taking of Caracas' tih an vuah. Eptute chuan President Nicolas Maduro chu bang turin an phut a, an ramin sum leh paia harsatna a tawh bakah, ei leh bar lamah indaihlohna nasa tak an tawh mekah President chu mawhphurtuah an puh. Eptu hruaitute chuan President a ban theih nan hian na zawka nawr chhunzawm zel an tum thu an sawi.

Hetihlai hian sorkar lam thlawptute chuan rorellai, socialist party color, rawng sen inbelin kawng an zawh bawk a, flag leh thuziakte kengin an rama muanna a awm an duh thu te, sorkar paihthlak tumna an dem thute an sawi. Minister of Communication and Information Luis Jose Marcano chuan mipuite chu an ram thuneihna leh remna leh muanna humhim tura kawngzawhnaa tel tur hian a sawm a ni.