Brexit-in hun harsa tak a thlen dawn : UK PM

United Kingdom Prime Minister Theresa May-i chuan European Union aṭanga inlakhranna tur, Brexit chu a taka kalpui chu thil awlsam tak a ni dawn lo a, an ram economy thleng pawhin hun harsa tak an tawk chho dawn tih a sawi.

PM atana lakluh a nih hnua major interview a neihna hmasa berah May-i chuan he thu hi a sawi a, EU aṭanga inlakhran tuma an hmalaknaah hun khirh tak an hmachhawn avangin British mipuite pawh an lo inbuatsaih lawk a ngai tih a sawi.

Brexit chungchanga EU nena inbiakna chu kum 2017 hma chuan ṭan a ni dawn lo tih UK PM chuan a sawi a, hei bakah hian inthlan pawh buatsaih hma a nih phah dawn lo tih a sawi.

Britain mipuiten vote la a, EU aṭanga inlakchhuah duhtu lam an tak zawk vangin David Cameron chu Prime Minister a nihna aṭangin a bang a, amah thlaktu atan Theresa May-i hi thlan a ni.