Duterte-a'n 'state of lawlessness' a puang

Philippiens President Rodrigo Duterte chuan kar kalta Zirtawpni zana Davoa khawpui bazar lun laia Islam firfiak nia hriatten bomb an tihpuah avangin 'state of lawlesness' a puang. He dan hnuaiah hian pawikhawihtute zawn≠chhuah hna thawhna kawngah sipaite chu thuneihna sang zawk pek an ni.

Zirtawpni zan dar 11 vel khan President Duterte-a khua, Davao-a night market hmuna hotel pakhat bulah bomb tihpuah a ni a, bomb puak hian bazar pawh a tichhe nual a ni. Police-te chuan bomb puak vang hian mi 14 an thi a, mi dang 67 in hliam an tuar niin an sawi.

Thuneitute chuan bomb tipuaktu hi Islamic State (IS) firfiak pawl an thlawp thu puangtu, Abu Sayyaf firfiak pawl nia an rin thu an sawi. Sipaiten kar hmasaa an pawl laka beihpui an thlak vanga phuba an lak tumna nia an ngaih thu an tarlang. National Defence Secretary Delfin Lorenzana chuan Abu Sayyaf firfiakte chakna, Davao khua aṭanga km 900 vela hla, Jolo thliarkarah sipaiten beihpui an thlak avangin firfiak eng emaw zat an thi tih a sawi.