China-ah G20 annual summit hmang

China ram khawchhak lam, Hangzhou khuaah Pathianni aṭang khan Group of 20 (G20) annual summit vawi 11-na chu hman
ṭan a ni.

Pathianni zan khan China President Xi Jinping chuan summit hmanga kal ram hrang hrang hruaitute tan zanriah a buatsaih sak.

G20 member ramte chu - Argentina, Australia, Brazil, Canada, China, France, Germany, India, Indonesia, Italy, Japan, Mexico, Russia, Saudi Arabia, South Africa, South Korea, Turkey, UK, US leh European Union-te an ni.

Ni hnih awh summit thupui atan hian "Toward an innovative, invigorated, interconnected and inclusive world economy" tih hman a ni a, mithiamte chuan tun ṭum summit hian khawvel pum economy ṭhanna leh awmze nei zawka kalpuina turah nghawng
ṭha tak a thlen an beisei thu an sawi.

Summit ṭanni-a thu a sawiah, China President Xi Jinping chuan khawvel sum dinhmun chu ngaihven a ngai hle tih sawiin, G20 member-te chu awmze neilo inbiakna nei lo turin a ngen. G20 chu thu relna hmun ni ringawt loin, a taka thawktua siam a ngai a ni tiin Xi chuan a sawi. Khawvel economy-in harsatna leh dinhmun khirh tak a hmachhawn lai mekin, Hangzhou-a summit neih chu ram hrang hrangten beiseina sang tak nen an thlir mek a ni, a ti.

Summit ṭanni-a an sawiho zing≠ah hian steel crisis leh ram hrang hrangte insumdawnna kawnga indaidanna awm leh Brexit chung≠changte pawh a tel.