Pakistan chungah Bangladesh lungawi lo

Bangladesh sorkar chuan Independence War laia Bangladesh mipuite chunga pawikhawihna nasa thlentu khaihlum tak Mir Qualem Ali chungchanga Pakistan foreign ministry-in Bangladesh demna thu a sawi danah a lungawi lo hle.

Jamaat-e-Islami party hruiatu, Mir Quasem Ali hi kar kalta Inrinni zan khan a tanna, Kashimpur Central Jail-ah khaihlum a ni. Ali hi Independence War laia Bangladesh indan thlawptu, mi tam tak nghaisa leh thatah puhin thiam loh chantir a lo ni tawh a ni. Official-te chuan independence war lai hian mi maktaduai thum vel an thi a, hmeichhe tam tak pawngsual an ni bawk niin a tarlang. Bangaldesh indepence duh lotu zingah hian Jamaat-e-Islami pawh hi a tel a ni. Mahse Jamaat party chuan pawikhawihna thlengah hian an hruaituten inhnamhnawihna an nei lo niin an sawi.

Pakistan foreign ministry chuan Ali khaihlum a ni chu pawi a tih thu sawiin, a chungthu ngaihtuahtu war tribunal thurel dan chu a dik tawk lo niin a sawi. Indo laia pawikhawihna thlentua puh Jamaat member hruaitu panga chu thiam loh chantirin khaihlum an lo ni tawh bawk. Pakistan chuan Ali tihhlum a nih dan chu dik lo taka rorelna hmanga eptute awpbehna a ni tiin, Ali chhungte an tuarpui thu an tarlang.