Brazil President hlui thlawptuten kawng zawh

Brazil President aṭanga paithlak, Dilma Rousseff-i thlawptute chuan Pathianni khan Sao Paulo-ah kawng an zawh a, President thar Michel Temer-a kaihhruai sorkar an duh loh thu an sawi.

Kawngzawhte chuan President Temer-a chu phiarrukna hmanga Rousseff-i paihthlaah an puh a, bang tura an phut thu leh, inthlan buatsaih an duh thu tarlanna thuziakte an keng. Kawngzawhnaah hian mi nuai khat vel an pungkhawm.

Brazil Senate chuan kar kalta Nilaini khan Rousseff-i chu inthlan dawna a tlin leh theihna tura sorkar budget khawih danglamah puh a nih avangin President a nihna
aṭangin a ban a ni. Ban a nih hnulawk hian politics lama a hmelma, vice president hlui leh acting president hna chelh mektu Michel Temer chu Brazil President atan lakluh nghal a ni.

Nawrh huaihawtte hi police-te nen innawr buaiin, police-te hian mipui hnawhdarh nan gas bomb an hmang a ni.