Obama'n Philippines President nena meeting neih tur a ṭhulh

US President Barack Obama chuan Phillipine President Rodrigo Duterte nena meeting an neih tur chu Duterte-an ṭawngkam chhe taka a chungchang a sawi vang≠in a ṭhulh.

Ram hruaitu pahnih≠te hi Thawhlehni zana Laos khawpui, Vientiane-a inhmu tur an ni. Mahse Thawhṭanni-a Laos pana a chhuah hmaa press conference a neihah Duterte chuan US President Obama chu 's·wn lulawk' (son of a bitch) tiin a sawi a, hei vang hian Obama chuan meeting neih tur a ṭhulh phah a ni.

Duterte hian an rama dan loa damdawi zuarte laka beihpui thlak mek chungchanga ram dangte sawiselna a chhan letnaah he ṭawngkam hi a hmang a ni. Ṭawngkam hriam tak tak chhak chhuak
ṭhin, Philippine president chuan damdawi dik lo taka zuarte laka beihpui an thlak mekah mi 2,400 chuang thah an nih avang≠in human rights chung≠changah Obama lak
aṭang hian eng thu mah a ngaihthlak duh loh thu a sawi. Duterte chuan an hma lakna chu an zahsak tur a ni a, an hnathawh chungchangah zawhna leh thuchhuah te engmah siam lo tura tiin, Obama hi ṭawngkam mawi lo tak hian a ko zui a ni.

President Obama chuan Duterte-a thusawi duh dan aṭang hian mee≠ting neihpui chu awmzia a neih a rin loh thu sawiin, a ṭhulh ta a ni. Obama chuan dan loa damdawi zuar leh damdawi hmangsual tam tak awm chu Phillipines ram tana buaina lian tham tak a ni tih a hriatpui thu a sawi a, mahse Phillipines sorkar thar hma lak dan chungchangah a ṭul a nih chuan ṭawng chhuah zel a tum tih a sawi.

Nimin khan Duterte chuan a thusawi chung≠changah pawi a tih thu a sawi zui leh a, "Ka sawi chhan tak chu press miten zawhna dengkhawng tak tak min zawh chhanna a ni a, mahse US President chungchang bik ka sawina anga a lang ta mai hi pawi ka ti hle a ni" a ti.

Kumin May thlaa Phillipines President atana Duterte lak luh a nih hnu hian, inthlan dawna a lo tiam tawh angin dan loa damdawi zuarte laka beihpui thlak hna thawh nghal a ni. Security force-ten beihpui an thlaknaah hian dan loa thil tia puh mi 2,400 vel thah an ni tawh. Sorkar hma lak dan hi Catholic Kohhran, human rights group, politician leh UN-te chuan an lo sawisel tawh a ni. Mahse heng mite hi chhangletin, Duterte chuan, "Pawikhawihtute hi thenfai kim vek an nih hma chuan mi tam takin an la thih belh dawn a ni. Dan loa damdawi siamtute hi kan thah kim hma chuan kan bei chhunzawm zel ang", a ti.

Beihpui an thlak mek chungchang sawiseltute chu Duterte hian ṭawngkam dengkhawng tak takin a lo bei zui tawh a, Pope Francis, US Secretary of State John Kerry leh Philippine-a US ambassador-te pawh ṭawngkam mawi lo tak hian a lo ko tawh a ni.