NKorea hotuin nuclear ralthuam siam turin fuih

North Korea ram hotu lu ber, Kim Jong-un chuan Thawhṭanni-a ballistic missile an enchhin chu a hlawhtling hle tih a sawi a, nuclear ralthuam siam turin an ram chu a fuih bawk.

Hetih lai hian United Nations Security Council chuan NKorea-in khapna dan palzuta missile a enchhin leh chungchang ngaihtuah hian meeting a nei dawn.

South Korea defence ministry chuan Thawhṭannia NKorea missile kahchhuah chu Rodong missile a nih thu leh, km 1,000 chin kap pha a nih thu a sawi. Engmah sawi lawk loin NKorea hian Japan tuipui chungah a kap a ni, a ti.

Ram hrang hrangten missile a kahchhuah ṭhin chu sawisel mah se, NKorea hian an sawiselna hi a ngai pawimawh lo hle. Kim chuan hlawhtling taka Rodong missile an kapchhuak thei chu a lungawi thlak hle tih a sawi niin state news agency, KCNA chuan a tarlang.