Israel-Netherlands in Gaza-ah gas pipeline siam dawn

Israel Prime Minister Benjamin Netanyahu chuan Gaza Strip tana gas pipeline an siamna turah Netherlands ram chuan a pui dawn tih a sawi.

Ni hnih chama Netherlands tlawha zin, Netanyahu chuan Dutch Prime Minister Mark Ruttee nena an inkawm hnua chanchin thar lakhawmtute a kawmnaah he thu hi a sawi a ni. Ne-tanyahu chuan, " Gaza Strip mipuite chu kan theihtawpa puih zel kan duh a, tih tur hmasa chu energy leh tui supply tih ṭhat
a ni. Hemi atan hian gas pipe-line phum hi a pawimawh a ni" a ti. An hnathawhna tura Nether-lands ramin a pui tur chu lawmawm a tih thu a sawi bawk.

Netherlands PM Rutte pawhin Gaza Strip bial tana energy leh tui supply chungchang ngaihtuahin Dutch, Israel leh Palestinian official meeting buatsaih an tum thu a sawi. "Meeting hian a tum ber tur chu Palestinian economy siamṭhat a ni a, hei hian Palestinian leh Israel tan pawh inremna siam turin hun ṭha a siamsak thei dawn a ni" a ti. An thil tih tur chu thil awlsam tak a ni lo tih a hriat thu leh, theihtawp chhuaha an beih tur thu a sawi.