Thosi pangngaiin Zika virus thlen lo

Brazil scientist-te chuan tunlaia hri leng mek, Zika virus chu thosi pang-ngai, Culex te chuan a thlen thei lo tih sawiin, he natna hri thlentu chu thosi chi khat, Aedes aegypti chauh a ni tih an sawi.

Rio de Janeiro-a press conference an buatsaihah, Oswaldo Cruz Institute-a scientist-te chuan zirchianna an neih aṭang-in Culex thosi hi natna hi pu darhtu a ni lo tih an hriat thu a sawi. He team hian Brazil ram bial panga aṭangin thosi 1,600 zet lakhawmin an zir-chiang a ni.

Thosi an lakkhawm-te hi Culex leh Aedes aegypti an ni a, dah-khawmin Zika virus awmna thisen an pe a, mahse Culex thosi te hian he natna hi an kaichhawng thei lo tih an hmuchhuak a ni. Aedes aegytpi thosi an dah zinga 80-100 % inkar chuan virus hi an kai thung.