A ruka thliarkar siamah China puh

Philippines chuan China chu a ruka South China Sea-a thliarkar siamah a puh a, an puhna finfiahna nan hian China lawnglianten thliarkar siamna tura hmanrua pawimawh an phur lut lai thlalak nia a sawi a tichhuak bawk.

South China Sea hi Asiam khawchhak ramte an inchuh mek a, China chuan tuipui pum deuhthaw neitu niin a inchhal thung. He tuipui katlanga sumdawnna kalpui ṭhin hi kum khat-ah dollar trillion 5 chuang a tling a ni.

July thla khan UN tribunal chuan China-in tuipui neitunu inchhal turin dikna a nei lo tih a sawi a, hei bakah hian ramdangte nena an inchuh mek chhunga thliarkar a siam chu dan kalh a ni, a ti bawk. Mahse China chuan tribunal thutlukna siam hi a pawm lo tih a sawi.