Britain-in daidanna bang siam dawn

Britain sorkar chuan France hmarlam, Calais lawngchawlhna hmunah dan loa pem lut ṭhinte danna turin bang, feet 13-a sang, km thum-a thui a siam dawn.

Interior ministry chuan kumin kumtir laka inremna lo siam tawh angin bang hi siam a ni dawn tih a sawi a, tun thla chhung hian hna thawk ṭanin kum≠in chhunga zawh hman tum a ni, a ti.

Bang siamna tura senso hi British sorkarin March thlaa summit neih
ṭuma inremna an lo siam tawh angin a tum dawn a ni. Channel Tunnel luhna leh lawngchawlh hmun chhehvel chu hung a ni ang. Sum sen zat tur hi dollar maktaduai thum a tling rin a ni.

Hungary pawhin Serbia leh Austria nena an inrinaah bang a lo siam tawh a, Balkan bial aṭanga pemlutte luhna kalka ber chu dang turin bang hi siam zui zel a tum bawk.

Calais aṭang hian Egnlish Channel-a leiverh patlangtu truck-ah Britain-a pem luh tum mi tam tak an bet a, heng mite lo danna atan hian bang hi siam tum anih thu official-te chuan an sawi. Nikum chhung khan Channel kaltlang hian mi sang tel chu Britain-ah dan loin an lut a ni.