Zimbabwe court-in nawrh khapna a sût

Zimbabwe high court chuan a ram khawpui, Harare-a police-te'n kar hnih chhung nawrh huaihawt an khap chu a s˚t.

Tunhnaiah Harare-a nawrh huaihawtte leh police-te inkarah buaina nasa tak a chhuak a, police-te'n mipuite danna tur an siamte chu nawrh huaihawtte hian an halsak a ni. Hemi hnu hian police-te chuan khawpui chhungah kar hnih chhung nawrh huaihawt an khap zui bawk.

President Robert Mugabe leh a kaihhruai sorkar dodaltu activist-te chu nawrh huaihawt khap a nih chungchangah High Court-ah an zualko a, judge Priscilla Chigumba chuan nawrh khapna chu dan kalh a ni tih a sawi a ni.

Activist zinga mi, Stan Zvorwadza chuan court rorel dan chu lawmawm a tih thu sawiin, sorkar rorel dan dik tawk lote an duh loh zia lantira nawrh huaihawt an duh tih a sawi.