New Zealand-in khuahkhirhna hlip

New Zealand prime minister Jacinda Ardern chuan nimin khan Auckland khawpui tih loh, an ram hmun dangah chuan Covid-19 vanga khuahkhirhna hrang hrang siamte hlih vek a ni tih a sawi. 

Auckland khuaah hian hri kai an la awm nual avang leh hri leng thawh hnihna a thlen hlauhthawn thil avangin inkhuahkhirhna hi tihtawp a la ni ve lo thung. Mahse khuahkhirhna siam pawh thlahdul deuh tawh niin, mi 100 chin pun khawm phal a ni. 

Auckland hi New Zealand khawpui zinga mihring cheng tamna ber a nih avangin hri hi a darh leh venthawn thilah thuneitute pawh an la la fimkhur hle a ni. 

Nimin khan New Zealand-ah hian hri kai thar an awm belh hriat a ni lo a, hri leng dona kawnga hma la ṭha ber ram zingah New Zealand hi a tel mek a ni. Ni 100 chuang lai hri kai thar an neih loh hnuah August thla aṭang khan hri kai thar an nei leh a, mahse tunah chuan an ziaawm chho leh tawh thung.

New Zealand-a Covid-19 hri kai hmuh chhuah tawh  hi mi 1,464 an ni a, an zinga mi 25 in an thihpui tawh a ni.