China President-in PLA commander a thlak

China President Xi Jinping chuan Ladakha-ah China leh India sipaite inep chho mek karah,  People’s Liberation Army (PLA) Western Theatre commander general Zhao Zongqi chu thlakin, a aiah general Zhang Xudong a dah. 

President Xi-a'n a thlak tak, Gen Zhao hi India leh Bhutan laka khauh tak niin, Ladakh-a India leh China sipaite thla sarih vel zet an inep tawh chungchangah pawh a mawhphurtu zingah ngaih a ni. 

General Zhao thlaktu, general Zhang Xudong hi a hmain Indian border-ah a la awm ngai lo. 

Kum 58 mi niin Zhao hi kum 65 mi a ni tawh thung. Gen Zhang hi PLA 39th Army chief of staff a ni tawh a, kum 2017, March thla aṭanga 2018, January thla thleng khan Beijing khawpui venhim hna thawktu, Cen­tral Theatre Command-ah deputy commander a ni.