Zimbabwe rorellai partyin chhawmdawlna pek tur dang

Zimbabwe-a rorellai, President Robert Mugabe-a party Zanu-PF chuan an rama khawkheng vanga harsatna tawh mekte tana chhawm≠dawlna pek tur chu an lo dan sak niin eptute chuan an sawi.

Kumin February thla khan President Mugabe chuan ramchhung hmun hrang hranga khawkhengin harsatna a thlen vang hian state of disaster a lo puang tawh a, sorkar chuan kum 2017 January-ah chuan an ram mipui maktaduai li vel chu chhawmdawl an ngai tawh dawn tih a sawi a ni. Sorkar chuan thingtlang biala cheng zinga a zahve zet chuan ei tur khamkhawp an nei lo niin a tarlang.

Zimbabwe Human Rights Commission (ZHRC) chairman Elasto Mugwadi chuan ei tur sem kawnga ruling party member-te chu inrawlhin harsatna an siam a, hei vang hian mi tam takin chhawm≠dawlna an hmu thei lo a ni, a ti.