Brazil SC-in Rousseff-i ngenna hnawl

Brazil Supreme Court chuan President aṭanga ban, Dilma Rousseff-i'n amah paihthla tura thutlukna siam chu sut tur leh, President atana lakluh Michel Temer chu president lailawk atana dah lo tura a ngenna a hnawlsak.

Rousseff-i chuan Senate-in President aṭanga ban a nihna tur a kalpui dan chu a dik tawk lo tih a sawi a, Senate thutlukna siam chu sut turin a ngen a ni.

Mahse Justice Teori Zavascki chuan thil namai lo tak a nih chauhin President ban chungchang buainaah Supreme Court chu a inrawlh chauh dawn a ni, a ti. Judge chuan Rousseff-i defence team, Justice Minister hlui Jose Eduardo Cardozo-a kaihhruai chuan President banna tur kalpui a nih dan hian lo dang turin hun an nei tawh a, mahse an ram budget khawih danglama Rousseff-i puhnaah Senate hnenah a fihlimzia an lantir thei tawh lo a ni, a ti.

Rousseff-i an puhna chu a dik a nih chuan President a nihna
aṭanga ban chu politics lama tih ngei tur a ni, a ti. Hemirual hian judge chuan President banna tur kalpui a nih dana thu hriat tur pawimawh dang≠te lakhawmin, thubuai hi Brazil presecutor-gene≠ral hnenah lo enzui turin a thawn.