US-in Guantanamo Bay camp pakhat a khar

US chuan Guantanamo bay-a detention center chu a khar a, he center-a awmte chu camp dangah sawn an ni.

Navy Captain John Filotrat chuan kum 2004-a siam, Camp 5 hi camp danga tante damdawi lama enkawlna hmunah siam a ni dawn tih a sawi.

Camp 5-a mi khirh tak takte dah ṭhin an nih avangin tang vengtute pawh invenna tur special equipment pek ṭhin an ni.

Thla hmasa khan Guan≠tanamo camp aṭang hian mitang 15 chu United Arab Emirates-ah sawn an ni a, tunah hian tang 61 an la awm mek a ni.

Kum 2001, September 11-a al-Qaida firfiakten US an beih aṭang khan firfiak nia rinhleh mi 780 chu venhimna khauh tak hnuai enkawl, Guantanamo Bay camp-ah dah an ni tawh. President Barack Obama chuan a term chhung ngeiin he prison camp hi khar a tum thu a lo sawi fo tawh a, tunhnaiah he camp-a tang eng emaw zat chu ramdanga sawn turin a lo ti tawh bawk.

Guantanamo camp hi enkawl hna hi sipai leh civil mi 1,950 ten an thawk mek a, Camp 5 khar a nih tak avang hian a enkawltu tura mamawh zat pawh hi 400 velin a tlem phah dawn a ni.