Israel leh Palestinian hruaituten inhmuh remti

Israel leh Palestinian hruaitute chuan Moscow-ah inbiakna neia inhmuh an remti niin Russia Foreign Ministry chuan a sawi. Kum hnih zet inbiakna tihtawp a nih hnuah boruak ṭha tak hnuaia an inbiak chhunzawm theih a beisei thu a sawi bawk.

Russia chuan Middle East ramte nena inkar boruak siamṭhat tumin hma ala mek a, Iran nen pawh inzawmna ṭha tak an siam a, Syria ramah pawh helho laka beihpui thlaknaa Presdent Bashar Assad-a kaihhruai sorkar pui turin fighter jet a tir bawk a ni.

US State Department thupuangtu chuan Russia chetdan chu uluk taka an thlithlai reng tur thu leh, Israel leh Palestinian inremna tura a hmakna chu a thlawp tur thu a sawi.