Turkey-in zirtirtu 11,000 suspend

Turkey sorkar chuan Kurdish helpawl nena inzawmna neia puh sorkar hnathawkte dapchhuah hna a thawh mekah, zirtirtu 11,000 chuang chu suspend an ni tawh niin a sawi.

President Tayyip Erdo­gan chuan July thlaa sor­kar paihthlak tuma beihnaa mawhphurtu bera puh, US-a khawsa mek Muslim hruaitu Fethullah Gulen-a zuitute leh Kurdish helpawl, Kur­distan Worker's Partry (PKK) thlawptute laka beihpui thlak chhunzawm zel a ni dawn tih a sawi. PKK helho lakah hian ramchhung leh rampawnah beihpui an thlak mek a ni.

July 15-a Turkey sorkar paihthlak tuma beihna a hlawhchham hnuah khan sorkar beihna thlawptua puh, sorkar hnathawk nuai khat dawn chu ban leh suspend an ni tawh. Mi 40,000 vel chu Gulen-a pawl nena inzawmna neia puhin hren an ni a, an zinga a zahve vel chu tan chhunzawm tir an ni bawk.

Turkey sorkar chuan zirtirtu 11,5000 vel chu PKK nena inzawmna neia puhin a suspend tawh a ni.