Bullfighting khap phutin Madrid-ah kawng zawh

Spain khawpui, Madrid-ah kar kalta Inrinni khan mi tam takin kum za tel an lo tih ṭhin, bullfighting neih ṭhin chu khap phutin kawng an zawh.

Bullfighting dodaltu pawl chuan hemi hma hian festival tawpnaa bawng chaiha an tihhlum ṭhin chu an lo khap tir tawh bawk a ni. Kumin June thla aṭang khan Catillay Leon regional sorkar chuan an ram hmarlam biala Toro de la Vega festival-a sakawr chungchuangten bawng um a, mipui thlirtute hmuh lai ngeia an tihhlum ṭhin chu a khap a ni.

Inrinni-a Madrid khawpuia kawngzawhte chuan bullfighting chu a nunrawnthlak hle tih sawiin, an ram tan thil zahthlak tak a ni, a ti. Kawngzawh huaihawttu, Party Against the Ill-Treatmenty of Animals (PACMA) thupuangtu chuan bullfighting bakah ransa te laka thisen chhuahna thleng ṭhin chu tihtawp a hun takzet tawh a ni, a ti.

Kawng zawhte chuan intihlimna atana ransa nghaisak ṭhin khapna dan siam an phut thu an sawi.