Tanzania lirnghingah mi 13 an thi

12th September, 2016

Tanzania hmarlam, Kagera bialah magnitude 5.7-a naa lir a nghin vangin mi 13 an thi a, midang 203 in hliam an tuar.

Kar kalta Inrinni tlai dar 3.27 khan Uganda leh Rwanda ramri, Lake Victoria bulah lir hi a nghing a, a inṭanna hi Nsunga khua aṭanga km 25-a hlaa, leihnuai km 10 a thuk niin US Geological Survey chuan a sawi. Lirnghing hi Kenya khawthlang lam leh Uganda, Kenya,Rwanda leh Burundi-ahte te hriat a ni bawk.

Kagera regional police commander Augustino Olomi chuan lirnghing hian in tam tak a sawichhia tih a sawi a, thi leh hliam tuar leh thil a tihchhiat zatte hi report a la luh kim loh avangin a la danglam thei tih a sawi.