Myanmar-in constituency a siam

Myanmar-a Union Election Com­­mission (UEC) chuan kumina in­thlanpui an neih tur atan constituency a siam.

Inthlanpui neih hun tur hi sawi chian la ni lo mah se, October thla tawp lam emaw, November thla tir lam a ni ang.

UEC chuan House of Repre­sentative (Lower House) inthlan neih­na atan constituency 330 a siam a, House of Nationalities (Upper House) atan constituency 168, Region/State Par­liament atan constituency 644 leh State Parliament for National Races atan constituency 29 a siam.

Inthlanpui neihpuitu tur, inter­national observer-te tan UEC chuan kaih­hruaina dan a siam nghal bawk. International observer-te chu Election Commission-in inthlan neih hun tur a puanchhuah aṭanga ni 15 chhunga ngeia an dilnate thehlut tura hriattir an ni.

UEC-in kaihhruaina dan a siamah chuan, inthlan neih pui turte chuan Election Commission hnena dilna an thehluha an kalna bial tura an tarlan bak, bial dang inthlannaah an inrawlh lo ang tih a ni. Observer-te hi venhimna pek an ni ang a, dan kalha thiltih a awm a nih chuan UEC hnenah an hriattir ang.