Democratic Senator hlui Webb-a'n US President candidate chuh tum

Kum 2016-a US President thlanna neih turah, Virginia senator hlui, Jim Webb chuan Democratic party aṭang­in president candi­date chuh a tum thu a puang ve leh.

Ningani khan thu­chhuah siamin, Jim Webb chuan party presi­dent candidate nih a tum thu a sawi a, an ram harsatna tawh mekte chingfel tura hmalakna thar neih a ngaih thu a sawi.

War veteran, Webb hi kum 69 a ni a, Vietnam indona-ah pawh khan a lo tel tawh a, senator hna hi term khat chelhin, kum 2013 khan a chawl a ni. US Naval Acamedy aṭanga graduate niin, Vietnam indo laiin company com­mander a ni a, a hnuah he indo chanchin behchhan hian 'Fields of War' tih lehkhabu a ziak.

Vietnam War zawh hnuah Webb hian Republican party a zawm a, Defence Depart­ment-ah thawkin President hlui Ronald Reagan-a hunlai khan Navy secretary a ni. Mah­se kum 2003-a President George W.Bush-a'n Iraq do a rem­tih kha nasa taka dodalin, Democrats lam a zawm phah a, kum 2006 inthlanah khan Re­pub­lican Senator George Allen chu khingin, a hneh a ni.