Pneumonia vangin Clinton-i'n campaign tur a ṭhulh

US President thlanna tura Democratic presidential candidate, Hillary Clinton-i chuan pneunomia a vei tih hmuhchhuah a ni a, hei vang hian inthlanna neih tur atana state pawimawh tak, California state-a a campaign neih tum pawh a ṭhulh phah.

Clinton-i hi nimin khan ni hnih chama California pan tur a ni a, mahse a dam loh avangin a kal thei ta lo a ni.

September 11-a 9/11-a firfiakten US an beih ṭuma thi te hriatrengna hun hmannaah Clinton-i hi a tel a, mahse a dam ṭhat loh avangin a awm rei thei lo a, a motor lam pana a kal pawh puih a ngai a ni.