Abbas-a'n inremna daltuah Israel a puh

Palestinian President Mahmoud Abbas chuan Israel chu inremna duh lohah puhin, inremna siam tura hmalakna dang≠ah a puh.

Abbas chuan Israel-in Palestinian ram a luah china Juda-te chenna tur in a sak belh zel chu a dem thu a sawi a, Pales≠tinian hmun thiang≠hlimte zah sak lo leh, mi tam tak thihna thlenah a puh bawk.

Israel leh Palestinian inkara inremna siam tuma International Quartet hmalakna a hlawhchham hnuah, Abbas chuan Russia President Vladimir Putin-a sawmna angin Moscow-ah Israel Prime Minister Benjamin Netanyahu nena inbiakna neih leh chu a remti tih a sawi.

France-in Palestinian mipuite dinhmun leh, Palestinian state din a nih theihna tur ngaihtuaha international peace conference huaihawt a tum chu an thlawp thu Abbas chuan a sawi bawk.

Inremna kawng zawnga Israel leh Palestinian hruaituten inbiakna an neih chu kum 2014, April thla aṭang khan chawlhsan a ni. An inkara palai hna thawktu, US chuan Juda-te chenna tur in sak, border leh security chungchangah inhriatthiam lohna thuk tak a awm avangin inbiakna hi a hlawhtling thei lo tih a sawi.