Catalan Independence phûtin kawng zawh

Spain aṭang Catalonia bial independence ph˚tin Pathianni khan Barcelona leh khawpui dangah kawng zawh a ni a, Barcelona khawpuia kawngzawhah hian mi 540,000 an tel. Khawpui danga kawngzawhte nen an vaiin mi 800,000 vel an tling nia sawi a ni.

Pathianni kha Catalonia national day, "Diada" a ni. Kum 1714, September 11 khan War of the Spanish Sucession laiin Barcelona chu Spain lal King Philip V sipaite lakah a tlawm a ni.

Kum 2012 aṭang khan Diada day-ah hian Spain aṭanga inlakhran ph˚tin Catalan mipuite chuan kawng an zawh ṭhin a, kum 2013 khan mipui tam takin km 400-a thuiah human chain an siam a, kum 2014 leh 2015 khan Barcelona-ah kawngzawh pui tham tak an huaihawt bawk.

Spain hmarchhak lama awm, Catalonia bial hian hun rei tak inlakhran duhin hma a la tawh a, mahse Spain sorkarin a dang a ni. Catalalan region president Carles Puigdemont chuan independent state an nih theihna tura an hmalakna chu thlawp vek turin mipuite a ngen. Hetihlai hian Pathianni-a kawngzawhte hian nikuma independence ph˚ta kawngzawhte an pha lo hle. Nikuma Barcelone-a kawngzawh huaihawtah khan mi maktaduai 1.4 vel an tel a ni.

Catalan parliament-a political party lian zingah inlakhran chungchangah an duh dan a in ang lo hlawm a, kumin January thlaa President atana thlan tlin Puidgemont pawh September 28-ah fiah a ni ang.

Kum 2014, November thla khan inlakhran chungchangah Catalan mipuite ngaihdan lak ani a, 80% in Spain aṭanga indan an duh.

Catalonia regional parliament inthlana inlakhran duhtu lamin hnehna an chan tak avangin Spain aṭanga inlakhranna tur a kalpui dan chu thlakin, kum 2017 kum laihawla independence an hmuh theihna turin ruahmanna an siam a ni. Mahse June thla khan anti-capitalist party CUP chuan Puidgemont-a kaihhruai ṭangrual sorkar a thlawpna a hnukdawk a, hei vang hian
ṭangrual sorkar hian assembly-ah clear majority a nei pha ta lo a ni.