France PM-in pawikhawihna a thlen leh theih thu a sawi

France Prime Minister Manuel Valls chuan an ramah firfiakte pawi≠khawihna a thlen leh theih thu a sawi.

PM Manuel Valls chuan official-te'n Islamic State (IS) firfiak pawl tirah Paris rel station beih tumtu terrorist cell chu an ṭhiahsak tih an sawi hnuah, inralring renga an awm thu a sawi. Police leh intelligent service-te chuan mi 15,000 vel an enthla mek tih a sawi.

France police-te chuan kar kalta Inrinni khan pawikhawihna thlen tuma puh, rawlthar kum 15 mi an man. He rawlthar hi Paris khawchhak lamah man a ni a, April thla
aṭang khan IS member-te nena inzawmna neia puhin pawn chhuak thei loa hren a lo ni tawh a ni.

Pathianni-a Itele television leh Europe 1 radio-in a kawmnaah, PM Valls chuan kar kalta chhung khan pawikhawihna tumna pahnih chu police-te'n an dang hman niin a sawi a, hei vang hian an ramah pawi≠khawihna thlen tumtute hi an la chet zel a rinawm thu a sawilang bawk.

Interior Minister Bernard Cazeneuve chuan police-te chuan kumin chhungin firfiak pawl nena inzawmna neia puh mi 293 an man tawh tih a sawi.