SAfrica President-in dollar nuai nga pe kir

South Africa President Jacoba Zuma chuan KwaZulu-Natal pro≠vince-a Nklandla hmuna a mimal in cheina atana sorkar sum a hman
aṭangin dollar nuai nga a pe kir leh. Mahse a sum pek kir hi in cheina atana sum hman aṭanga 3% vel chauh nia sawi a ni.

March thla khan Constitutional Court chuan Zuma hi a in cheina atana sorkar sum a hman, dollar maktaduai 16 aṭangin eng emaw zat chu a pe kir leh tur a ni tiin a lo rel tawh.

Zuma'n Nklanda-a a in cheina atana a sum hman hi security lam kaihhnawih thil a nih loh avangin sawisel a tawk nasa hle. A in cheimawi nan te, swimming pool leh ar vulhna hmun siamna atante state fund hi a hmang a ni.

President Office chuan Thawhṭanni khan thuchhuah siamin, President Zuma hian Constitutional Court thupek angin dollar nuai nga hi South African Reserve Bank hnenah a pe tih a sawi. Heng sumte hi Presient hian private VBS Mutual Bank aṭanga home loan a puk aṭanga a pek a ni, a ti.

Eptu pawl lian ber, Democratic Alliance chuan president-in sum a pe kir leh chu lawmawm an tih thu an sawi a, hemi rual hian President hian ama sum ngei a pe tih finfiahna chu Parliament-a hmuh turin an phut. Eptute chuan President Zuma hian tun hma pawhin a sum pek turah a mimal sum pe loin, amah thlawptute sum thawhkhawmte a lo pe
ṭhin niin an tarlang. Mahse president thupuangtu, Bongani Ngqulunga chuan president hian a sum pek tur hi midangten an lak ang bawk standard term hmanga loan a lak
aṭangin a rul tih a sawi.