Baghdad Green Zone beitu nia rinhlelhte man

Iraq prime minister Mustafa al-Kadhimi chuan central Baghdad-a uluk taka venhim Green Zone beitu nia rinhlelhte chu man an ni tawh tih a sawi.

Thuthar thehdarhtute hmaa thu a sawinaah al-Kadhimi chuan Pathiannia Green Zone beih a ni chu firfiaka chetna atthlak tak a ni, a ti. Rocket hmanga Green Zone beitu nia rinhlelh mi eng emaw zat man an ni tawh tih sawiin, Pathiannia inbeihna thlengah chuan hliam eng emaw zat an awm bakah thil chhia a tam hle tih a sawi a ni.

Iraqi Joint Operations Command media office chuan Pathianni khan Green Zone hi rocket pariat lai hmanga beih a ni tih sawiin Iraq sipai leh tualchhung mite chenna in chhia a awm nual tih an sawi. Nimin thleng khan eng pawl mahin an tih a nih thu an la sawi lo a ni. He inbeihna thleng hi Egypt pawhin an dem thu an lo sawi tawh a, Pathianni khan Egyptian Ministry of Foreign Affairs chuan thuchhuah siamin Iraq chu an thlawp tlat tih an tarlang a ni.