Pope-in South America a tlawh

Roman Catholic kohhran hotu, Pope Francis chuan in sarih thang turin South America ram a tlawh kual mek. Tun ṭum hi South America a tlawh vawi hnihna tur a ni.

Pope Francis hian Ecuador ram tlawh hmasa berin Inrinni khan a thleng a, Bolivia leh Paraguay te a tlawh tel bawk ang.

Argentina mi, Pope Francis hi South America mi zinga Pope hmasa ber a ni. Kum 2007-a Pope atana thlan a nih hma lawk khan, Latin American bishop kal­khawmte hmaah thu sawiin, dinhmun inthlauh­na ber ramah an cheng tih a lo sawi tawh a ni. Tun ṭuma a zin turah pawh hian retheihna leh mihring dinhmun inthlauh dan chungchangte a sawichhuah rin a ni.

Pope in a tlawh tur ram pathum ah hian Catholic 82%-93% an awm a, mahse Latin Ame­rica ram dangah erawh chuan Catholic kohhran member zat hi a tlahniam mek a, an member tam takin Protestant evangelical group an zawm tawh a ni.