Cuba-in an ram a hrekna titawp turin US a phut
Cuba leh United States chuan an inlaichinna siamṭhat tumin hma an la zel a, kum 50 chuang zet palai an intirh tawn loh hnuah, embassy dah turin inremna an siam tawh bawk. Hetihlai hian Cuba chuan kum 50 zet US-in an ram a hrekna titawp turin a phut.
US hian Cuba rama lawnglian luh a khap a, he hrekna hi kum 1962-a khatih laia US President John F.Kennedy hun laia siam a ni. He hrekna avang hian Cuba chuan dollar trillion 1.1 chuang a hloh phah nia sawi a ni.
US hrekna hian inkalpawhna lam te, ei tur leh bungrua lakluh lam thlengin nasa takin a nghawng a ni. Cuba mipuite chuan US hian an ram chu misual angin a en nia an ngaih thu an sawi. He hrekna hi hlih a nih chuan kawng hrang hrangin Cuba chuan a hlawkpui thei dawn a, sumdawnna kawng zau zawk a hawn theih dawn bakah, khualzin tam zawk an ramah an lut thei dawn a, hei hian an ram sum dinhmun siamṭhatna kawngah a pui thei dawn a ni.