UNESCO-in world heritage site thar 11 a puang

UNESCO World Heri­tage Committee chuan kar kalta Inrinni khan Bonn, Germany-ah meeting a nei a, hmun 11 hnenah World Heritage status a pe thar.

Committee hian World Heritage Site-a puan tura rawtna theh­luh hrang hrangte a ngaihtuah hnuah, hmun 11 te hi a thlang chhuak ta a ni. Heng a puan tharte nen hian UNESCO hian khawvel ram 160-a hmun 1,000 chuang zet chu World Heritage List-ah a telh tawh a ni.

UNESCO in World Heritage status pek thar zingah hian Jordan luia Baptistu Johana'n Isua Krista a baptis-na hmun, Bethany Beyond the Jordan tia an sawi pawh a tel. Hei bakah hian France ram Champage bial-a grape chinna hmunpui te, Singapore-a Botanic Garden te, Turkey-a Di­yar­bakir Fortress, Iran-a Maymand ram-te leh Su­sa hmun te, China rama Tusi hmun te, South Korea-a Baekje Historica area te, Mongolia rama Great Burkhan Khaldun Mountain leh a chhehvel ramte lehSaudi Arabia Hail biala Rock Art te an ni.