Ukraine President leh US palai inkawm

US president Donald Trump-a palai, Keith Kellogg chuan Ningani khan Ukraine tlawhin, Kyvi-ah Ukraine president Volodymyr Zelenskyy nen an inkawm. Inbiakna an neih zawh hnua news conference neih tur erawh an ṭhulh a ni.

Ukraine President thupuangtu, Serhii Nikiforov chuan hruaitu pahnihte hian inbiakna ṭha leh hlawk thlak tak an nei tih an sawi a, mahse news conference neih tur erawh US lam ngenna avangin ṭhulh a ni, tiin a chhan erawh a sawilang lo. Ruahman lawk dan chuan news conference-ah hian zawhna hrang hrangte pawh chhang tura tih an ni a, media lam mi pawh eng emaw zat an pungkhawm a ni. Mahse thla lak dunna hun chauh an hmang ta zawk.

Zelenksyy chuan Kellogg nen inkawmna hun ṭha tak neiin, thil tam tak chipchiar takin an sawi dun tih a Telegram channel-ah a sawi. Ukraine ram himna chungchang leh Russia rama tang mek, Ukraine mite thawn haw an nih dan turte pawh an sawi. "Remna leh muanna ngelnghet, Russia-in indona a chawh chhuah theih tawh lohna tur kan siam a ngai," a ti.