Brazil court-in USD mtd 1.4 pe thuai turin X a hriattir

Brazil Supreme Court justice Alexandre de Moraes chuan Elon Musk-a company, social media platform lian X chu court thupek a zawm loh avanga Brazilian reais mtd 8.1 (USD mtd 1.4) a chawi tur chu pe thuai turin a ti.

Court hian Ningani khan thupek hi a ti chhuak a, thu dik lo thehdarhtua puh, Brazil president hlui Jair Bolsonaro-a thurualpui, Allan dos Santos-a registration data pe tura an hriattirna chu X hian a zawm duh lo niin a tarlang.

Kum 2024, July thla khan judge De Moraes hian X leh Meta hnenah Allan dos Santos account chu block a, data pe turin a lo hriattir tawh a ni. X chuan a account hi block sak mah se data erawh a pe duh lo a, an operator-te chuan data hi a lakhawm lo tiin a sawi. Mahse De Moraes chuan an thusawi hi pawm loin, nikum August thla tir khan data an pek duh loh avangin nitin Brazilian reais 100,000 (USD 17,500) pe turin a ti a, October-ah khan an sum chawi tur hi Brazilian reais mtd 8.1 a tling a ni. Court chuan an sum chawi tur hi a vaiin a rang thei ang ber turin a hriattir a ni.