November inthlanpui neih tur atan Suu Kyi inziak lut

Myanmar eptu hruaitu, Aung San Suu Kyi-i chuan kumin November thlaa an ram inthlanpui neih tura chuh tumin nimin khan a inziaklut. Inthlanpuiah hian Suu Kyi-i party, National League for Democracy (NLD) chu an chak rin a ni.

Suu Kyi-i hi thingtlang lam, Kawhmu bialah din a tum a, a dinna bial hi Yangon khawpui aṭanga darkar hnih vel tlan a ni. Nilania inthlan chuh tuma hming thehlut tura a kal hi mi tam takin an lo hmuak a ni.

Inthlanpui chuh tumin mi eng emaw zatin an hming ziak lut tawh mah se, election official-te'n phalna an tihchhuah hma chuan campaign phal a ni lo. NLD thupuangtu, Nyan Win chuan, "Campaign theih hun hi kan nghakhlel tawh hle a ni," a ti.