B'desh SC-in eptute hremna a pawm

Bangladesh Supreme Court chuan tribunal-in eptu pawl, Sala­uddin Queder Chowdhury thi tura hremna a pek chu a pawm.

Salauddin Quader Chow­­dhury hi kum 1971-a Bang­ladesh-in Pakistan lak­a zalenna a sual laia civil mi tam tak tihhlumnaa inhnam­hnawihah puh a ni. Kum 2013 khan thubuai 23-ah thiam loh chantir a ni. Chowdhury hi mi 200 thihna tur thupek siamah puh a ni a, an tihhlum zinga a tam zawk hi Hindu an ni.

Bangladesh chuan 1971 Liberation war lai hian tual­chhung mi ṭhenkaht puihnain, Pakistan sipaite chuan thla kaw chhungin mi maktaduai 3 vel an that a, hmeichhe 200,000 chuang an pawngsual tiin a sawi.

Prime Minister Sheikh Hasina chuan kum 2010 khan indo laia Pakistan sipaite pui­tua puhte chungthu ngaih­tuah a, hremna pek an nih theihna turin tribunal hi a din a ni. Tribunal hian mi 15 chuang thiam loh a chantir tawh a, heng mite thi tura hremna leh damchhung tang tura hremnate pek an ni.