Israel leh US-in military deal ziak

Israel leh US chuan Israel sipaite thuam chakna turin inremna thuthlung an ziak.

Inremna an siam hmang hian kum 10 chhungin US chuan Israel sipaite puihna turin US dollar tluk≠leh≠dingawn 38 a pe dawn a ni. US hian military lama ramdangte inremna a siampui tawh zinga lian ber a ni.

Inremna siam tur hian ram pahnihte hi thla 10 chhung zet an inbia a, ni≠min khan Washington DC-ah an ziak fel thei ta a ni.

Israel hi US puihna dawng nasa ram zingah a tel a, a bikin sipaite thuam chakna kawngah a dawng nasa hle.

Inremna an ziah fel taka sum inpek zat tur hi puangzar a ni lo a, mahse official ṭhenkhat chuan US hian kum khatah dollar tluklehdingawn 3.8 a pe dawn niin a sawi. Ram pahnihte inremna an kalpui mek, kum 2018-a tawp turah chuan US hian kumtinin Israel hnenah hian sipai lam thuam chakna turin dollar tluklehdingawn 3.1 a pe a ni.

Israel-US inremna ziah tak hi US-in ram dang nena military assistance lama inremna a siam tawh zinga lian ber a ni. Mahse he inremna siam a nih tak avang hian Israel chuan US Congress hnenah additional annual fund a dil thei tawh dawn lo. Hei bakah hian Israel hian a fund hmuhte hi an military contractor-te hmang loin, American defence industry kaltlangin a hmang ang.

Inremna an siam thar≠ah hian a ṭum khatna atan missile defence programme fund pawh siam tel a ni. A hma chuan missile defence fund hi a hran≠in Congress-in a pawm
ṭhin. Inremna thar hnuaiah hian Israel chuan missile defence programme atan bik hian kum khatah dollar maktaduai 500 a dawng tawh dawn a ni.