Iraq-a IS chemical factory kapchhia

US kaihhruai ṭangrual ramte chuan Iraq-a Islamic State (IS)-te'n chemical weapon siamna atana an factory hman chu an kahchhiat sak niin Pentagon chuan a sawi.

US Air Forces Central Command hotu, Lieutenant General Jeffrey Harrigian chuan factory an kahchhiat tak hi pharmaceutical plant complex ṭhin a ni a, he hmun aṭang hian firfiatke hian chlorine leh mustard gas-te an siam ṭhin nia an hriat thu a sawi.

IS firfiakte hian chemical weapon an hmang ṭhin nia sawi a lo ni fo tawh a, Pentagon chuan firfiakte hian chlorine leh sulfur mustard device an hman ngei tih a finfiah a ni.

Hetihlai Iraq security force-te chuan ṭangrual ramte puihnain IS kut aṭanga Mosul khua lak let tumin an bei chhunzawm zel. IS hian kum 2014 khan Iraq security force-te kut aṭangin Mosul khua hi an laksak a, tun thlengin an pawl inkhuarna hmun pui ber pakhat a la ni.