Taiwan-ah thlipui tleh vangin school khar

Taiwan-ah nimin khan thlipui, Super Typhoon Meranti a tleh a, school leh sumdawnna hmunte khar vek a nih bakah, flight pawh cancel a ni bawk.

Super Typhoon Meranti hi kumina thlipui tleh tawha na ber nia sawi a ni a, Taiwan Central Weather Bureau chuan an ram chhim leh khawchhak lam chu thlipui caterogy 5 hian an nuai niin an sawi. Thlipui tleh hian ruah a ken tel avangin hmun ṭhenkhatah chuan tui a lian bawk.

Taiwan-a Meranti thlipui tleh nat zawng hi darkar khat km 216-a chak a ni a, thingkung leh power cable-te a len thlu nasa hle. Kaohsiung leh khawpui dangah school leh company dangte khar an ni a, mi 1,500 chu hmun him lamah sawnchhuah an ni bawk niin Central Emergency Operation Center thuchhuah chuan a tarlang.

Taiwan Power Co. chuan thlipui tlehin power cable-te a tih≠chhiat vangin in nuai hnih dawn chu power supply nei loin an awm tih a saw. Domestic flight pawh cancel a ni, international flight-te pawh a nghawng buai hle. Thlipui hian vawiin hian China lam a pan dawn niin meteorologist-te chuan an sawi.