Turkey-in Gulen man turin US ngen

Turkey sorkar chuan US hnenah sorkar paihthlak tuma beihnaa mawhphurtu bera a puh, Fethullah Gulen chu man turin a ngen.

Fethullah Gulen hi US-ah a cheng mek a, mahse July 15-a Turkey sipai ṭhenkhatten sorkar paihthlak tuma an beihna kha Gulen-a thupek vek niin Turkey sorkar chuan a puh.

Turkey President Recep Tayyip Erdogan leh official dangte chuan US hnenah Gulen hi an rama thawn kir turin an ngen fo a, sorkar beihnaa a inhnamhnawih zia finfiahna document-te pawh an thawn tel a ni.

Mahse Gulen chuan Turkey sorkarin a puhna hi thu dik lo a nih tih a sawi thung.

August thla khan US official-te chuan Turkey hi an tlawh a, Turkey sorkarin Gulen-a thawn kir tura a ngen chungchang chu sorkar hotute nen an sawiho. US Vice President Joe Biden pawhin Turkey khawpui, Ankara hi a tlawh tawh bawk a, Gulen-a chungchanga Turkey ngaihdan chu a hriatthiam pui thu a sawi. Biden chuan US chuan a thawhpui ramte beitu humhim chu US chuan a tum ngai lo tih a sawi a, hemi rual hian dan ang thlapa engkim kalpui a ngai a ni, a ti.