Pakistan leh Bangladesh-in insumdawn tawnna kalpui

Pakistan leh Bangladesh chuan kum 1971-a an ram ṭhenhran an nih hnua a vawi khatna turin insumdawn tawnna, direct trade an kalpui.

Direct trade kalpuina tura inremna hi tun thla tir lam khan ti felin, Bangladesh hian Trading Corporation of Pakistan (TCP) kaltlangin Pakistan buhfai, ton 50,000 a lei dawn a ni.

A vawikhatna atan Pakistan National Shipping Corporation (PNSC) lawnglian chuan Bangladesh lawngchawlh hmunah buhfai hi a phur thleng dawn a, tuipui lama ram pahnihte insumdawn tawnna kawnga thil chhinchhiah tlak tak tur a nih thu an sawi. Bangladesh buhfai lei tur hi thawh hniha thawn a ni ang a, March thlaah thawn fel a ni ang.