US-in Myanmar ram a hrekna hlih a tum

US President Barack Obama leh Myanmar State Counselor Aung San Suu Kyi-te chu Nilaini khan White House-ah an inkawm. Meeting zawhhnuah Obama chuan US chuan Myanmar ram a hrekna a hlip thuai dawn niin a sawi.

Chanchin thar lakhawmtute a kawmnaah Obama chuan, ìHun reng emaw chen Myanmar ram hrekna kan lo siam tawh chu hlip turin US chu a inpeih tawh a niî tiin, hei hi Myanmar rama mipui thlan sorkar a din a, kalphung thar an zawm hnuah thil tih dan tur dik tak nia a ngaih thu a sawi bawk.

Myanmar ram hmasawn dan chu ropui a tih thu sawiin, Obama chua Suu Kyi-i chu an ram social, poltical leh economic dinhmun siamṭha turin dinhmun pawimawh takah a ding a ni, a ti.

Aung San Suu Kyi-i pawhin kum nga liamtaa mi tumahin an thlen phak loh tura an rinah an ram chu a awm tawh tih a sawi a, hemirual hian hma lam pan zel an ngai tih a sawi. An ram tan tihtur tam tak a la awm a, a pawimawh hmasa ber chu mipuite inlungrualna leh remna leh muanna a ni, tiin a sawi.

Myanmar rama mipui thlan sorkar a din hnuah, kumin May thla khan US chuan a hrekna ṭhenkhat a lo hlip tawh a ni.