Syria-Jordan ramri-ah raltlan 75,000 tâng

Amnesty International chuan Syria raltlan 75,000 vel chu Jordan nen an inrinaah an la tangkhang mek a, ei leh in tur an tlachham tawh a, an hriselna lam pawh a ṭha lo hle niin a sawi.

Ningani-a report an tihchhuah≠ah, Amnesty chuan ram pahnihte inrina, Berm hmuna ral≠tlan tangkhang mekte hian thla hnih chhung chu chhawmdawlna an dawng tawh lo a ni, a ti.

June 21-a Berm bula car bomb puak vanga Jordan sipai paruk an thih hnu khan Jordan chuan Syria nena an inkalpawhna, Rukban leh Hadalat crossing te chu a khar a, Berm-a raltlan awmte hnena chhawmdawlna a pek ṭhin pawh a khuahkhirh zui nghal a ni.

Berm-a khawsa mek raltlante hian ei leh in tur an tlachham tawh hle a, damdawi lam inenkawlna ṭha pawh an nei lo niin Amnesty chuan a tarlang. Hetihlai hian he hmunah hian raltlan lut an la pung zel a ni.

August thla tir lam khan ral≠tlante ei tur hi thawn luh a ni a, mahse hei bak hi pek chhunzawm an la ni rih lo a, an ei tur thawnluh a hi zo dawn tawh nia sawi a ni.

Rukban camp-a thla nga zet lo khawsa tawh, Abu Mohammad chuan an dinhmun chu a ṭha lo hle tih a sawi a, a bikin naupangte chu an khaw≠ngaihthlak hle tih a sawi. Bawnghnute leh ei tur
ṭha dang an neih tawh loh avangin tui an in nasa hle niin a sawi. In enkawlna
ṭha a awm loh avangin mi 19 chu hepatitis vangin an thi tawh a, nauchunga thi pawh an awm niin a sawi.

Amnesty Crisis Response director, Tirana Hassan chuan camp-ah health service a awm lo tih a sawi a, raltlante chhawm≠dawlna pek chu chhun≠zawm phalsak an nih chuan an hriselna din≠hmun pawh ṭha zawka enkawl sak theih an ni dawn a ni, a ti.

Jordan ramah hian Syria raltlan 650,000 vel an awm niin UN chuan a sawi a, mahse Jordan sorkar chuan hei ai hian an tam zawk niin a sawi thung.