China-in Zimbabwe tan buhfai pe

China chuan khawkheng vanga ei leh in lama indaihlohna nasa tak tawk mek, Zimbabwe ṭanpuina turin buhfai ton 5,500 a thawnlut.

China sorkar hian Zimbabwe hi buhfai ton 19,000 a pek tur thu a lo sawi tawh a, hei hi dollar mtakduai 24.6 hu a ni. Ningani khan buhfai ton 5,500 hi China ambassador, Huang Ping chuan Zimbabwe sorkar hnenah a hlan a ni. Zimbabwe sorkar aiawhin Minister of Public Service, Labor and Social Welfare Prisca Mupfumira chuan a lo dawng a, China sorkar chungah lawmthu a sawi nghal bawk.

Huang chuan nikum December thlaa South Africa-a Forum on China-Africa Cooperation (FOCAC) summit neihah khan China President Xi Jinping chuan khawkheng avanga harsatna tawk mek, Africa ramte ṭanpui hi a lo tiam tawh a ni, a ti. China hian kum 10 kalta chhung khan ei leh in lama Zimbabwe ram ṭanpuina dollar matkaduai tam tak hu a lo pe tawh bawk niin a sawi.

China hian Zimbabwe ram hi buhfai a pek bakah, kumin chhungin loneitute puihna turin lei ṭha, urea fertilizer ton 10,000 a pek tur thu a sawi tawh bawk.