UN hotuin Israel PM thusawi dan sawisel

United Nations Secretary General Ban Ki-moon chuan Israel Prime Minister Benjamin Netanyhu-a'n Palestinian ram, West Bank-a Israel sorkarin Juda-te chenna in a sak chungchangah sakhua leh hnam tlem zawk thenfaina tur tih lam hawia a sawi chu a dem thu a sawi.

Ban chuan kar kalta Zirtawpni-a Netanyahu thusawina video tihchhuah chungchang chu sawichhuakin, Israel PM thusawi dan chu thil awm lo leh pawm theih loh thil a ni a ti a, Israel-in West Bank-a in a sak chu UN law palzutna a ni, a ti bawk.

UN Security Council hmaah he thu hi sawiin, Ban chuan internatioal law hnuaiah Juda-te chenna in sak a nih dah chu phal loh a ni a, hei vang hian titawp nghal tura a phut thu a sawi lang.

US State Department thupuangtu Elizabeth Trudeau chuan Israel hruaitu thusawi hi thil tihaawm lo leh ṭangkai lo tak a ni, a ti bawk.

Israel-in Palestinian ram a luaha Juda-te chenna in a sak ṭhin hi ram hrang hrangten an sawisel fo a, tunhnaiah US pawhin a sawi≠sel ngun hle. He thil hi Israel leh Palestinian inkara inremna siam tura hmalakna daltuah an ngai a ni.

Palestinian President Mah≠moud Abbas chuan Palestinian state din a nih hun chuan Juda-te chenna in sak chu pakhat pawh a awm zui an phal dawn lo tih a sawi.